Дар натиҷаи як даргирӣ дар ҷануби Афғонистон фармондеҳи пулиси Қандаҳор ҳамроҳ бо ҳадди ақалл шаш маъмури амниятии дигар кушта шудаааст.

Ин даргирӣ миёни пулиси Қандаҳор ва нерӯҳои вижаи амниятии афғон, ки аз сӯйи артиши Омрико омӯзиш дидаанд, сурат гирифтааст.

Хабаргузориҳо гузориш кардаанд, ки даргирӣ замоне оғоз шуд, ки нерӯҳои вижаи амниятӣ талош карданд як зиндониро аз додситонии Қандаҳор берун кунанд.

Як мақоми аршади давлатӣ дар Қандаҳор гуфт, ки фармондеҳи пулис ва омири амнияти Қандаҳор дар миёни кушташудагони ин тирандозӣ ҳастанд.

Вазорати умури дохилаи Афғонистон ин ҳодисаро маҳкум карда ва гуфтааст, ки дар ин маврид таҳқиқ мекунад.

Сухангӯйи вазорати дохила аз омилони ин ҳодиса ба унвони "муҷримин" ёд кард ва гуфт, ки онон мавриди пайгард қарор хоҳанд гирифт.

Дар гузашта низ нерӯҳои амниятии Афғонистон бо ҳам даргир шудаанд, аммо ин нахустин борест, ки чунин даргирӣ мунҷар ба кушта шудани мақомҳои аршади амниятӣ мешавад.

Қандаҳор дар ҷануби Афғонистон, аз манотиқи ноамн аст, ки дар он Толибон нуфузи қобили таваҷҷуҳе доранд.

www.bbc.co.uk